Ba al zenekien Arabako Lautadan mapa bat dagoela, elikaduraren kontsumo arduratsua egin ahal izateko? Bertan, kuadrillan elikaduraren arloan kontsumo arduratsuaren alde egiten duten ekimenak daude bilduta: saltokiak, tabernak, jatetxeak, nekazaritza eta abeltzaintza ekoizpena, etab.
Mapa eskuorri batean dago eskuragarri, baina online ere kontsulta daiteke, Open Street Map bidez diseinatutako tresna baten bidez. Bertan, gutxienez zazpi irizpide hauetako bat duten 59 ekimen aurkituko dituzu:
- Tokiko ekoizpena
- Agroekologia
- Artisau-produktua
- Bidezko Merkataritza
- Emakumeak buru
- Ekonomia Sozial eta Solidarioa
- Ingurumen jasangarritasuna
2024an aurkeztutako eta SETEMek eta Sustraiak Habitat Design kooperatibak bultzatutako ekimenean lagundu dute Landaren Garapenerako Elkarteak eta Lautadako Merkataritzaren Bulego Teknikoak. Horrez gain, Arabako Foru Aldundiaren finantzazioa jaso du, Agroekologiaren bidez lurraldeak eraldatuz izeneko proiektuaren bitartez.
Kontsultatu eta zabaldu ezazu mapa, eta kontsumo arduratsuaren alde egin!
Arabako Lautadan elikadura jasangarriagoa egiteko mapa bat
Arabako Lautadan bizi zara eta zure elikadurak gizartean eta ingurumenean dituen eraginek kezkatzen zaituzte? 2024. urtearen hasieran mapa hau aurkeztu genuen, elikagaien arloan kontsumo arduratsuaren aldeko apustua egiten duten tokiko ekimenak gal ez ditzazun.
Zer aurkituko duzu mapan?
- 59 ekimen
- Dendak, tabernak, jatetxeak, nekazaritza eta abeltzaintza ekoizleak…
- Guztiek zazpi irizpide hauetako bat dute gutxienez: tokiko ekoizpena, agroekologia, elaborazio artisaua, Bidezko Merkataritza, emakumeak aurrean, ekonomia sozial eta solidarioa, ingurumen jasangarritasuna
Arabako Lautadako Kartografia Soziala
SETEM Hego Haizeak eta Sustraiak Habitat Design kooperatibak 2022an landutako beste dokumentu hau Arabako Foru Aldundiak finantzatutako Agroekologiaren bidez lurraldeak eraldatuz proiektuari esker martxan dagoen Agroekologiari buruzko Ikaskuntza Komunitatearen esparruan sortu da.
Lurralde jakin batekiko hurbilketa bat da (Arabako Lautadarekiko, alegia), zer egiten ari den eta abian dauden ekimenen artean aliantzak egiteko zer aukera dauden ikusteko.
Edukiak:
- Sarrera
- Esparrua eta baldintza lagungarriak
- Ekoizpena
- Eraldaketa
- Banaketa
- Merkaturatzea
- Kontsumoa
- Birziklapena/intsumoak
- Ekonomia sozial eta solidarioa
