Elkartasun Auzolandegiak

Elkartasun auzolandegien ekimenak 21 urtetik gorako pertsonei Latinoamerikako herrialde batera bidaiatu eta garapenerako proiektu bat ezagutzeko aukera ematen die, SETEMekin lankidetzan diharduen erakunde batekin elkarlanean.

Taldeko prestakuntza-, kontzientziazio- eta trebakuntza-prozesu bat igaro ostean, uztailean edota abuztuan (hilabete bat edo bi) sentsibilizazio-esperientzia bat bizitzeko aukera ematen dugu.

Esperientzia hau bizitze aldera, prestakuntza prozesu hau bidaia bera bezain garrantzitsua dela jotzen dugu. Hori dela eta, boluntario talde oso bat prozesua kontuz eta arretaz zaintzeaz arduratzen da.

Ekimenaren xedea ez da hegoaldeko proiektuetan “laguntzea”; trukaketaz, bizikidetzaz eta lankidetzaz ikastea… eta (nork bere burua) eraldatzea baizik.

Gure Auzolandegi guztiak SETEMekin epe ertain-luzera harremanetan dauden toki-erakundeekin lan eginez egiten dira Mexikon (Chiapasen), Guatemalan, El Salvadorren, Ekuadorren eta Kolonbian. 1992an hasi ginen ekimen honekin.

Esperientzia honetan parte hartzeko zenbait baldintza daude, hala nola Balio Faktoriaren prestakuntzetan parte hartzea.