Nazioarteko lankidetza

Nazioarteko lankidetza

Gure ustez, garapenerako lankidetza harreman eta errealitate bidegabeak aldatzeko elementu politikoa da. Lurralde batek bertoko desorekei bere baliabideen bidez aurre egiteko dituen gaitasunak gero eta mugatuagoak dira garapenarekin lotzen diren mundu mailako problematikak dituen munduan.

Jardunbide aitortua eta oinarri sozial sendoa dauzkaten eta gurekin lan-ildoak partekatzen dituzten gizarte-erakundeek modu partizipatiboan egiten dituzten proiektuak eta ekimenak burutzen laguntzen du SETEM Hego Haizeak.

Nahitasun feminista edo genero-eztabaidatzea dituzten erakundeekin batera lan egiten dugu, baita LGTBI gizataldeen eskubideak defendatzen dituzten taldeekin ere, baldin eta kontsumo kritikoa, arduratsua eta eraldatzailea beren agendetan eta lan-jardunbideetan badute.

SETEMek harreman egonkor eta jarraituetan herrialde edo eskualdeetako erakundeekiko nazioarteko lankidetzan oinarritzen du bere estrategia.

Gaur egun, erakunde hauekin batera jorratzen ditugu estrategiak:

Corporación para la vida Mujeres Que Crean

Medellín hiriko erakunde feminista, emakumeek autoaintzatespena,balorazioa eta ahalduntzea lor dezaten eta subjektu indibidual, sozial, kultural eta politiko gisa koka daitezen lan egiten duena.
Kolonbia

Corporación Ecológica y Cultural Penca de Sábila

Penca de Sábilarekin ari da elkarlanean SETEM ohiko nekazaritza-ohitura agroekologikoak aldatzeko, batez ere, emakumeak, gazteak eta nekazarien elkarteak trebatzeko, merkaturatzeko zirkuituak hobetzeko eta antolaketa-dinamikak sustatzeko prozesuen bitartez.
Kolonbia

Corporación Educativa COMBOS

Sektore txirotuetako umeen, gazteen eta emakumeen inklusio politiko, ekonomiko eta kulturalarekin konprometitutako erakundea, hezkuntza, babesa, ikerketa, antolaketa eta partaidetza politikoko prozesu integralen bitartez jarduten duena.
Kolonbia

Grupo Social FEPP

Irabazi-asmorik gabeko erakunde soziala, landa-garapenean hainbat hamarkadaz jardun duena, txirotasun-egoeran daudenen garapen osoa sustatzeko.
Ekuador

Fundación Maquita

Ekonomia sozial eta solidarioko erakundea, Ekuadorreko familia kalteberen alde gizartean eragina duten zirkuitu eta sare jasangarriak eta bidezkoak sustatzen dituena.
Ekuador

Acción Ecológica

Ekuadorreko ingurumenaren aldeko erakundea; besteak beste, herri indigenei laguntzen die Amazoniako petrolio- eta mea-erauzketaren ondorioen kontra.
Ekuador

Escuela Mujeres de Frente

Quiton gizarte-bazterketako egoeran dauden emakumeentzako hezkuntza aktibo herrikoi eta feministako espazio finkatua eta alternatiboa da Escuela Mujeres de Frente.
Ekuador

Mujeres Transformando

Erakunde feminista, emakumeen eskubideen aldekoa, batez ere, ehun-lakan lan egiten duten emakumeen eskubideena.
El Salvador

Fundación REDES

Tokiko eragileei laguntzeko konpromisoa hartu duen erakundea da REDES, El Salvador aldatzen lagunduko duten prozesu sozioekonomiko autogestionarioak garatzen laguntzeko.
El Salvador

Concertación de Mujeres de Suchitoto

Concertación de Mujeres de Suchitoto elkarteak El Salvadorko Suchitoto hiriko emakumeen giza eskubideen alde lan egiten du.
El Salvador

Mujeres de Afedes

AFEDES erakundearen helburua da Sacatepéquez udalerriko emakumeen, batez ere indigenen, desberdinkeriazko eta bazterkeriazko baldintzak hobetzea.
Guatemala

K'inal Antsetik

Chiapasko emakumeen gizatalde eta kooperatibekin lan egiten du, emakume baztertuen antolaketa- eta lidergo-prozesuak indartzeko asmoz.
Mexiko
"Gaitasun handiko emakumeak, gainerako pertsonak nahiz beren buruak ahaldundu nahi dituztenak, entzun behar direnak, aintzat hartu behar direnak, horien mezuak mundu bidezkoagoa eta ekitatiboagoa eraikitzeko behar diren tresnak baititu"
Mujeres Que Crean, SETEMen elkarte-kide KolonbianMiembro de citas