Oñatiko Elkar Hezi Ikastetxeko DBH 4. mailako ikasleek eta La Basu artean sortu eta grabatutako bigarren abestia da hau. Euskararen aldeko rap abesti hau Euskaraldiaren barruan eta abenduaren 3an ospatzen dugun Euskararen Nazioarteko Eguna heldu aurretik zabaltzeko data aproposa da.
“Hemen gatoz, nortzuk gea? Euskara aldarrikatzera datozen gazteak!
Hemen gatoz, nortzuk gea? Hitzen arteko kateak gatoz apurtzera!”
Urteak daramatzagu Elkar Hezi Ikastetxea eta SETEM elkarlanean desberdinkeriak eta indarkeria matxistak ezabatzeko mota askotariko ekintzak sustatzen, eta oraingo honetan, hip-hop eremuan emakume erreferentetariko batekin elkartu gara bideoklip txukun hau aurkezteko.
Bideo hau ikastetxeko ikasleekin sortutako bigarren kanta da. Aurreko astean berdintasunaren aldeko kanta plazaratu genuen Emakumeen Kontrako Indarkeria Ezabatzeko Egunerako. Egindako lana prestakuntza-prozesu baten emaitza da, non kontsumoko indarkeria matxisten gaia ikasleek salaketa- eta mobilizazio-tresnak eskuratu dituzten. Garapenerako Lankidetzaren Euskal Agentziak finantzatutako proiektuaren parte da ekimena.
Abestiak dioen lez: Arnasa hartuz bagoaz dantzara, gorputz osoa mugitzera!
