"Fabricando Mujeres" zineforuma Zalduondon

Arabako Lautadako berdintasun saila eta Laia.rekin lankidetzan, gogoeta egin nahi izan dugu indarkeria matxistak eta egungo kontsumo-eredu heteropatriarkalak nola lotzen diren aztertzeko, Fabricando Mujeres dokumentalaren aurkezpenaren bidez. Ondoren, mahai-inguru batekin geure esperientziak eta esperientzia kolektiboak partekatuko ditugu, eta gure eguneroko bizimoduan kontsumo-ohituren aldaketa txikiak egiteko aukerak ikusaraziko ditugu, indarkeria matxistarik gabeko beste dinamika batzuk sortzeko asmoz.

Dokumentalari buruz gehiago jakin nahi baduzue: www.fabricandomujeres.org

SINOPSIA: Maitek 80 urte ditu eta Fabrikak sortzen dituen hondakinak jasotzen jarraitzen du asmakizunak egiteko. Bere lantegian espazio subertsibo bat sortu du Fabrikak zabaltzen dituen emakumeen estereotipo ereduei aurre egin ahal izateko. Pertsona-sare zabala du berekin elkarlanean, haiekin bere kezkak partekatzen ditu, baita bere borroka ere.