Plazerak eta desioak ikuspegi feministatik
Detalles del evento
Datorren irailaren 28an Desmontando a la Pili kooperatibak gidatutako tuppersex feministari ekingo diogu Aguraingo Latsarri Gaztetxean, Inguma Neska Gazte Taldearen eskutik. Arratsaldeko 17:00etan hasiko da hiru orduko tailer honetan.
Sexuaz mintzatuko da, planteamendu feministak, kontsumo arduratsua, osasuna eta plazera oinarritzat hartuz, patriarkatua eta sexismoa zalantzan jartzeko tresna gisa. Sexuari buruz modu dibertigarri, lasaian eta ikuspegi feminista eta antikapitalista batetik hitz egiteko aukera da.
