Maiatzeko programak amaiera eman dio 2023/2024 ikasturteari, Blanca del Novalek eskainitako basa-landare jangarrien tailerrarekin, Salcedoko Tierra Papel Tijera proiektu agroekologikora egindako bisitarekin, eta sasoiko sukaldaritzari buruzko Marta Franciscoren showcooking tailerrarekin.
Maiatzean, zeinaren bigarren larunbatean Bidezko Merkataritzaren Munduko Eguna ospatzen den, SETEM Hego Haizearen Balio Faktoriak «Agroekologia eta elikadura. Jaten dugunaren atzeko istorioak» programa eskaini du, gaiarekin lotutako hiru jarduerarekin.
Basa-landareen sukaldaritza hizkuntza
Maiatzaren 17an, ostiralean, Blanca del Noval ikertzaile, Basque Culinary Centerreko irakasle ohi eta gastronomia jasangarrian zein lurralde garapenean adituak basa-landare jangarriei buruzko tailerra eskaini zuen, Olarizuko Lorategi Botanikoan barrena.
Oinez ibili ginen espezie jangarriak aurkitu eta identifikatzeko, sukaldaritzan dituzten aplikazioei buruz hitz egin genuen, eta lorategiko zati txiki bat dastatuz amaitu genuen jarduera.
Tierra Papel Tijera ekimenera bisita
Hurrengo jarduera maiatzaren 25ean, larunbatean, izan zen, Salcedo herrian (Lantaron, Araba). Izan ere, eguraldi paregabea aprobetxatuz, Tierra Papel Tijera proiektu agroekologiko familiarra bisitatzeko aukera izan genuen, Ramon, Mónica eta Andreak osatutako taldearen eskutik.
Gainera, Isa Álvarez Vispo nekazarien alaba eta biloba, hezitzaile, agroekologo eta herriko bizilagunak testuinguru globalago bat eskaini zigun, agroekologiari, elikadura burujabetzari, ondo eta gaizki jateari, kontsumo arduratsuari, nekazarien nazioarteko borrokari eta beste hainbat gairi buruz hausnartzera gonbidatuz.
Showcooking: Eraldaketa lapikoan
Azkenik, maiatzaren 30ean eta 31n, 15 urte baino gehiagoko esperientzia duen elikaduran hezitzaile Marta Franciscok sasoiko sukaldaritza tailerra eman zuen, showcooking formatuan eta gure baratzeetako produktuak Palestina, Sri Lanka edo Ekuadorko beste produktu batzuekin uztartuz.
Horrez gain, ZENTZUZ Bidezko Merkataritza eta Kontsumo Arduratsuaren sareko kideek erabilitako osagaien jatorriaz hitz egin ziguten.
