Hurbildu Hegoaldera eta ikasi trukearen, bizikidetzaren eta lankidetzaren bidez. Animatuko al zara?

Auzolandegiak ekimen solidarioak dira, eta 21 urtetik gorako pertsonei Hegoaldeko herrialde batean garapenerako proiektu batean parte hartzeko aukera ematen diete, gurekin lankidetzan diharduen Latinoamerikako erakunderen batekin batera.

Taldeko prestakuntza-, kontzientziazio- eta trebakuntza-prozesu bat igaro ostean, uztailean eta abuztuan Hegoaldean boluntariotza-esperientzia batean esku hartzeko aukera ematen dugun. Esperientzia hilabetekoa edo bihilabetekoa izan daiteke.  

Ekimenaren xedea ez da hegoaldeko proiektuetan “laguntzea”; proiektua ezagutzea, hurbiltzea, geure burua deseraikitzea, ikastea... eta eraldatzea baizik.

2019ko udan bidaiatzeko eskatzen diren betekizunak:

-Bidaiatzeko unean 21 urtetik gora izatea.
-Urritik ekainera Balio Faktorian abian jarriko dugun prestakuntza-jardueretan gutxienez 25 ordu betetzea.
-Hautaketa-asteburuan parte hartzea, otsailaren 16an eta 17an izango dena.
-Parte hartzeak 35€ inguruko kostua dauka.
-Elkarrizketa pertsonal bat egitea.
-“Auzolanak jakinarazi” (martxoak 9), “Hegoaldera Hurbildu” (maiatzak 25) eta “Eta, orain zer?” (iraila) saioetan parte hartzea. Datak behin-behinekoak dira.
-Herrialde bakoitzera bidaiatuko direnen arteko prestaketa-bileretan parte hartzea (partehartzaileek adosten dituzte datak).
-Hegazkin txartela eta helmuga herrialdean ostatu eta mantenu gastuak nork bere gain hatzea.

*Interesgarria da (eta oso egokia) bidaiariek SETEM Hego Haizearen jarduera eta kanpainetan parte hartzeko aukera izatea, beren bidaiaren erakundea hurbiletik ezagutzeko eta Hegoaldeko errealitateekin sentsibilizatuta egoteko.

Herrialdeak:
Gure Auzolandegi guztiak SETEMekin epe ertain-luzera harremanetan dauden toki-erakundeekin lan eginez egiten dira El Salvadorren, Mexikon (Chiapasen), Ekuadorren eta Kolonbian.

Argazkia: SETEMeko auzolandegia Ecuador-ren

Argazkia: SETEMeko auzolandegia Chiapas-en (Mexico)